నదిలో బస్సు పడి 14 మంది మృతి
క30 మంది గల్లంతు కనేపాల్లో ఘటన
కప్రయాణికుల్లో 40 మంది భారతీయులే
అక్షర కిరణం, (నేపాల్/ఉత్తరప్రదేశ్): నేపాల్లో ఘోర ప్రమాదం చోటు చేసుకుంది. రోడ్డుపై వెళ్తున్న ఓ బస్సు ప్రమాదవశాత్తు నదిలోకి దూసుకెళ్లింది. దీంతో ఆ బస్సులో ప్రయాణిస్తున్న 40 మంది ప్రయాణికుల్లో కొందరు ఆ నదిలో పడి గల్లంతయ్యారు. భారత్కు చెందిన ఆ బస్సు నేపాల్లో పర్యటిస్తుండగా ఈ ఘటన జరిగింది. బస్సు నదిలో పడిన సమాచారం అందుకున్న అధికారులు రంగంలోకి దిగి సహాయక చర్యలు చేపట్టారు. అందులో చిక్కుకున్న ప్రయాణికులను బయటికి తీస్తున్నారు. గల్లంతైన వారి కోసం గాలింపు చేపట్టారు. ఆ బస్సులో వెళ్తున్న 40 మంది ప్రయాణికులు భారతీయులేనని తెలుస్తోంది. ఈ ఘటనలో ఇప్పటివరకు 14 మంది ప్రయాణికులు చనిపోయి నట్లు స్థానిక అధికారులు వెల్లడిరచారు.
నేపాల్ పోలీసు అధికారులు తెలిపిన వివరాల ప్రకారం.. ఉత్తర్ప్రదేశ్కు చెందిన ఓ పర్యాటక బస్సు నేపాల్లో పర్యటించేందుకు వెళ్లింది. ఈ క్రమంలోనే 40 మందితో వెళ్తున్న ఆ బస్సు.. తనహున్ జిల్లాలోని మర్స్యంగ్డి నదిలో పడిపోయింది. నేపాల్ రాజధాని ఖాట్మండు నుంచి పోఖారాకు వెళ్తుండగా ఈ ప్రమాదం చోటు చేసుకుంది.
చనిపోయిన వారిని గుర్తించేందుకు అధికారులు చర్యలు చేపట్టారు. మృతుల సంఖ్య భారీగా పెరిగే అవకాశాలు ఉన్నట్లు తెలుస్తోంది. గాయపడిన వారిని దగ్గర్లోని ఆస్పత్రుల కు తరలించి చికిత్స అందిస్తున్నారు. ఖాట్మండు నుంచి పోఖారా వెళ్తున్న యూపీ ఎఫ్టీ 7623 నంబర్ బస్సు.. మర్స్యంగ్డి నదిలో పడిపోయినట్లు తనహున్ జిల్లా డీఎస్పీ దీప్కుమార్ రాయ వెల్లడిరచారు. ఖాట్మండు నుంచి పోఖారా వెళ్తున్న యూపీ ఎఫ్టీ 7623 నంబర్ ప్లేట్ ఉన్న బస్సు మర్స్యంగ్డి నదిలో పడిపోయినట్లు తనహున్ జిల్లా డీఎస్పీ దీప్కుమార్ వెల్లడిరచారు. ఉదయం 11.30 గంటల సమయంలో ప్రమాదం జరి గింది. బస్సు నదిలో పడిపోవడం చూసిన స్థానికులు పోలీసులకు సమాచారం అందించారు. ప్రమాదానికి గురైన బస్సు ఉత్తరప్రదేశ్లోని గోరఖ్పూర్ జిల్లాలోని ధర్మ శాల మార్కెట్కు చెందిన సౌరభ్ కేసర్వాణి భార్య షాలినీ కేసర్వాణి పేరు మీద రిజిస్టర్ అయి ఉన్నట్లు గుర్తించారు. మూలమలుపు వద్ద బస్సు అదుపు తప్పడంతోనే ప్రమాదం జరిగిందని తెలుస్తోంది. ఇటీవల కురుస్తున్న భారీ వర్షాల కారణంగా మర్స్యంగ్డి నది ఉద్ధృతంగా ప్రవహిస్తోందని నేపాల్ అధికారులు తెలిపారు. బస్సులో మొత్తం 40 మంది ఉండగా వారిలో కొందర్ని రక్షించగా.. మరికొంత మంది గల్లంతయ్యారు.