ఎవరైనా అమ్మ మీద కేసు వేస్తారా?    
కవైఎస్‌ జగన్‌కు షర్మిల సూటి ప్రశ్న
అక్షర కిరణం, (హైదరాబాద్‌): వైఎస్‌ జగన్‌తో విభేదాలపై షర్మిల స్పందించారు. అందరి కుటుంబాలలో అమ్మల మీద, చెల్లెళ్ల మీద కేసులు వేసుకుంటారా? అని ప్రశ్నించారు. కుటుంబంలో సమస్యలు ఉండడం సహజమేనన్నారు.
కానీ అందరూ అమ్మల మీద కోర్టుల్లో కేసులు వేయరు కదా? ఇలా కోర్టుకు లాగరు కదా? అని ప్రశ్నించారు. జగన్‌పై లీగల్‌గా ఫైట్‌ చేస్తారా అనే ప్రశ్నకు షర్మిల సమాధానం చెప్పలేదు.
గురువారం విజయనగరం జిల్లా గుర్లలో డయేరియా బాధిత కుటుంబాల పరామర్శకు వెళ్లిన జగన్‌ షర్మిలతో విభేదాలపై స్పందించారు. బుధవారం సోషల్‌ మీడియాలో టీడీపీ విడుదల చేసిన లేఖలపై రియాక్ట్‌ అయ్యారు. మీ ఇళ్లల్లో ఇలాంటి కుటుంబ గొడవలు లేవా? అని టీడీపీ నేతలను ప్రశ్నించారు. ప్రతీ ఇంట్లో ఉన్న విషయాలను స్వార్థం కోసం నిజాలు లేకపోయినా పెద్దవి చేసి చూపించడం ఇకనైనా మానుకోవాలని హితవు పలికారు. ఇప్పటికైనా ప్రజల సమస్యలపై ధ్యాస పెట్టాలని సూచించారు. దీనిపై గురువారం వైఎస్‌ షర్మిల స్పందిస్తూ గోడవలు సహజమేనని అయితే అందరూ ఇలా తల్లి మీద కేసులు వేసి కోర్టుకు లాగుతారా అని ప్రశ్నించారు.