సీఎం చంద్రబాబుతో పవన్‌ కళ్యాణ్‌ భేటీ
నాగబాబుకు మంత్రి పదవిపై చర్చ     
అక్షరకిరణం, (అమరావతి): ఆంధ్రప్రదేశ్‌ ముఖ్య మంత్రి నారా చంద్రబాబు నాయుడుతో ఏపీ డిప్యూటీ సీఎం పవన్‌ కళ్యాణ్‌ సోమవారం భేటీ అయ్యారు. ఆంధ్రప్రదేశ్‌లోని తాజా రాజకీయ పరిస్థితులపై ఇరువురు నేతలు చర్చించి నట్లు తెలిసింది. అలాగే డిప్యూటీ సీఎం పవన్‌ కళ్యాణ్‌ సోదరుడు, జనసేన ప్రధాన కార్యదర్శి నాగబాబును ఆంధ్ర ప్రదేశ్‌ మంత్రివర్గంలోకి తీసుకోవాలని ఇటీవల నిర్ణయించి న సంగతి తెలిసిందే. ఏపీ మంత్రివర్గంలో ఒక స్థానం ఖాళీగా ఉండగా.. ఆ స్థానానికి జనసేన నుంచి నాగబాబు కు అవకాశం కల్పించారు సీఎం చంద్రబాబు. ఈ నేపథ్యం లో నాగబాబు మంత్రి పదవి అంశం గురించి చంద్రబాబు, పవన్‌ కళ్యాణ్‌ చర్చించినట్లు తెలిసింది. నాగబాబుకు ఏ మంత్రిత్వశాఖ కేటాయించాలనే దానిపై చంద్రబాబు, పవన్‌ కళ్యాణ్‌ సమాలోచనలు చేసినట్లు సమాచారం. అలాగే మంత్రిగా నాగబాబు ప్రమాణ స్వీకారం ఎప్పుడు చేయించా లనే దానిపైనా చర్చించినట్లు తెలిసింది. ప్రమాణ స్వీకారం తర్వాత నాగబాబును ఎమ్మెల్సీగా ఎన్నుకుంటారని సమా చారం. నాగబాబు మంత్రి పదవి అంశంతో పాటుగా ఇటీవల ఏపీలో సాగునీటి సంఘాలకు జరిగిన ఎన్నికలు, నామినేటెడ్‌ పదవులు, ఇతర అంశాలపైనా ఇరువురు నేతలు చర్చించినట్లు సమాచారం. సాగునీటి సంఘాల ఎన్నికల తరహాలోనే సహకార సంఘాల ఎన్నికల్లోనూ కూటమి పార్టీల మధ్య సమన్వయం కొనసాగించాలని చంద్రబాబు, పవన్‌ కళ్యాణ్‌ నిర్ణయించినట్లు సమాచారం.
మరోవైపు మంత్రిగా నాగబాబు ప్రమాణ స్వీకారానికి మెగా స్టార్‌ చిరంజీవి కూడా హాజరుకానున్నట్లు వార్తలు వస్తున్నా యి. ప్రమాణ స్వీకారం ముహుర్తం ఇంకా ఫిక్స్‌ కానప్పటికీ.. చిరంజీవి కూడా వస్తారంటూ వార్తలు వస్తున్నాయి. మరోవైపు జనసేన పార్టీకి ఇప్పటికి మూడు మంత్రి పదవులు ఉన్నాయి. ఏపీ డిప్యూటీ సీఎం పవన్‌ కళ్యాణ్‌.. పంచా యతీరాజ్‌, గ్రామీణాభివృద్ధి, అటవీ, పర్యావరణం, శాస్త్ర, సాంకేతిక శాఖల మంత్రిగా ఉన్నారు. అలాగే పౌరసరఫరాల శాఖ మంత్రి నాదెండ్ల మనోహర్‌.. సినిమాటోగ్రఫీ, పర్యాటక శాఖ మంత్రిగా కందుల దుర్గేష్‌ బాధ్యతలు నిర్వహిస్తున్నారు. ఇందులో సినిమాటోగ్రఫీ శాఖను నాగబాబుకు ఇస్తారనే ప్రచారం జరుగుతోంది. ఈ ప్రచారం ఎంతమేరకు నిజమవుతుందనేదీ చూడాలి మరి.