25న సాలూరు రాజేశ్వరరావు, కోటి సంగీత విభావరి    
అక్షర కిరణం, (విశాఖపట్నం): ప్రముఖ సినీ సంగీత దర్శకుడు సాలూరు రాజేశ్వరరావు జయంతి సందర్భంగా ఈనెల 25న రాజేశ్వరరావు, కోటి స్వరపరచి న చిత్రగీతాలతో ఏమని పాడెదనో ఈవేళ శీర్షికన  సినీ సంగీత విభావరి నిర్వహిస్తున్నట్టు ఫ్యామిలీ మెలోడీస్‌ కన్వీ నర్‌ టి శివనారాయణ తెలిపారు. బుధవారం ఉదయం బాలయ్య శాస్త్రి లే అవుట్‌లోని ఉత్తర నియోజకవర్గం ఎమ్మెల్యే పి.విష్ణుకుమార్‌రాజు తన క్యాంపు కార్యాలయంలో కార్యక్రమం పోస్టర్‌ను విడుదల చేశారు. ఈ సందర్భంగా శివనారాయణ మాట్లాడుతూ ఈనెల 25న సాయంత్రం 4 గంటలకు అక్కయ్యపాలెం దాలిరాజు సూపర్‌మార్కెట్‌ పక్కన వున్న స్వరాలయ స్టూడియోలో సినీ సంగీత విభా వరి నిర్వహిస్తున్నామన్నారు. ప్రముఖ గాయనీ గాయకులు పాల్గొని పాత, కొత్త సినిమా పాటలు ఆలపిస్తారని తెలిపారు. కళాకారులు, కళాసంస్థల ప్రతినిధులు హాజరు కావాలని కోరారు. కార్యక్రమంలో  ఘంటసాల కల్చరల్‌  అసోసియే షన్‌ వ్యవస్థాపకులు చెన్నా తిరుమలరావు, గాయని తెలుగు మురళి కోమలి తదితరులు పాల్గొన్నారు.