ఎంవీపీ రైతుబజార్‌లో డ్వాక్రా బజార్‌ ప్రారంభం    
అక్షరకిరణం, (విశాఖపట్నంసిటీ): ఎంవీపీ రైతు బజార్‌లో ఆదివారం డ్వాక్రా బజారుని ప్రారంభించారు. ఈ కార్యక్రమానికి ముఖ్యఅతిథిగా తూర్పు ఎమ్మెల్యే వెలగపూడి రామకృష్ణబాబు ప్రారంభించారు. ఆయన మాట్లాడుతూ కూటమి ప్రభుత్వం వచ్చాక రైతుబజార్లను మోడల్‌ రైతు బజార్లుగా తీర్చిదిద్దుతామని తెలిపారు. వినియోగదారులకు చొరవగా ఉన్నందుకే డ్వాక్రాబజార్‌ని ప్రారంభించామని తెలిపారు. డ్వాక్రా సంఘాలకు ఉపాధి కల్పించే దిశగా ఈ బజారు ఉపయోగపడుతుందని తెలిపారు. ఈ కార్యక్రమం లో తెలుగుదేశం సీనియర్‌ నాయకులు చోడే వెంకట పట్టాభి రాం, 18 వ వార్డు కార్పొరేటర్‌ గోలగాని లక్ష్మి/ పొల్లరావు, జోనల్‌ కమిషనర్‌ 3 శివప్రసాద్‌, అసిస్టెంట్‌ ప్రాజెక్ట్‌ డైరెక్టర్‌ దుర్గ ప్రసాద్‌, ఎస్టేట్‌ అధికారి జి.ప్రసాద్‌, డ్వాక్రా సంఘ సభ్యులు రైతులు పాల్గొన్నారు.