మహా సరస్వతి అలంకరణలో కరక చెట్టు పోలమాంబ దర్శనం
`అమ్మవారికి లక్షపుష్పార్చన, చండీహోమం 
    అక్షర కిరణం, (విశాఖపట్నం సిటీ): దేవాదాయ ధర్మాదాయ శాఖ ఆధ్వర్యంలో శ్రీకరకచెట్టు పోలమాంబ అమ్మవారి దేవస్థానంలో శ్రీదేవి శరన్నవరాత్రి ఉత్సవాలు వైభవంగా నిర్వహిస్తున్నారు. బుధవారం శ్రీ మహా సరస్వతి దేవిగా పోలమాంబ అమ్మవారు భక్తులకు దర్శనమిచ్చారు. అమ్మవారి ఉపాలయం సన్నిధిలో శ్రీదుర్గమ్మవారికి కుంకుమార్చనలు, లక్ష పుష్పార్చనలు, చండీహోమం నిర్వహించారు. ఈసందర్భంగా నిర్వహించిన సాంస్కృతిక కార్యక్రమాలలో భాగంగా శ్రీ గీత ప్రచార సమితి సభ్యులు గీత పారాయణం, మనోరంజిని వ్యవస్థాపకులు జి.శారదా ఆధ్వర్యంలో గాత్ర కచేరి నిర్వహించారు. మంజుశ్రీ బృందం ప్రదర్శించిన కూచిపూడి నృత్యాలు అందరిని ఆకట్టుకున్నాయి . ఈ కార్యక్రమానికి ఆధ్యాత్మికవేత్త ఎంవీ రాజశేఖర్‌ వ్యాఖ్యాతగా వ్యవహరించారు. అమ్మవారి దర్శనానికి విచ్చేసిన భక్తులందరికీ చక్రవర్తి తీర్థ ప్రసాదములు అందజేశారు. బాలయ్య ఏఈఓ కొవ్వూరి గాయత్రి పర్యవేక్షణలో ఉత్సవాలను వైభవంగా నిర్వహించారు. ఈ కార్యక్రమంలో తెలుగుదేశం పార్టీ నాయకులు కుక్కల శంకర్‌ ధనలక్ష్మి, ఆలయ సిబ్బంది తదితరులు పాల్గొన్నారు.