ప్రభుత్వ, ప్రైవేటు ఆస్పత్రుల్లో వారికి ఉచిత వైద్యం
ఢల్లీిలో కొత్త సర్కారు కొత్త పథకం 

అక్షర కిరణం, (ఢల్లీి/జాతీయం): దేశంలో అనేక సంక్షేమ పథకాలకు పుట్టినిల్లు ఢల్లీి. 2013లో జరిగిన ఢల్లీి అసెంబ్లీ ఎన్నికల్లో జరిగిన పోటీలో తొలిసారి పోటీ చేసిన ఆమ్‌ ఆద్మీ పార్టీ.. దేశం మొత్తం ఆసక్తిగా ఎదురుచూసే సంక్షేమ పథకాలు ఎన్నో ప్రవేశపెట్టింది. ఇంటింటికీ ఉచిత తాగునీరు, ఉచిత విద్యుత్‌, మహిళలకు ఉచిత బస్సు ప్రయా ణం, ప్రభుత్వ స్కూళ్లలో ఇంటర్నేషనల్‌ స్థాయి విద్యా బోధన, మొహల్లా క్లినిక్‌లు సహా అనేక పథకాలను ప్రవేశ పెట్టింది. ఈపథకాలను చూసి.. ఆమ్‌ ఆద్మీ పార్టీ విధానాలను చూసి.. దేశంలోనే అనేక రాష్ట్రాల్లో స్థానిక ప్రభుత్వాలు ఇలాంటి పథ కాలను తీసుకురావడం ప్రారంభించాయి. దేశానికే దిక్సూచి లాంటి పథకాలను తీసుకువచ్చి.. ఆప్‌ నేషనల్‌ కన్వీనర్‌ అరవింద్‌ కేజ్రీవాల్‌.. దేశవ్యాప్తంగా పాపులర్‌ లీడర్‌ అయ్యారు.
సామాన్యుల కోసం అనేక సంక్షేమ పథకాలు తీసుకువచ్చిన ఢల్లీిలోని ఆమ్‌ ఆద్మీ పార్టీ సర్కార్‌.. తాజాగా అసెంబ్లీ ఎన్నికలకు ముందు మరో కొత్త పథకాన్ని అందుబాటులోకి తీసుకువచ్చింది. తాజాగా సంజీవని యోజన పేరుతో ఒక కొత్త పథకాన్ని ఢల్లీి మాజీ ముఖ్యమంత్రి, ఆమ్‌ ఆద్మీ పార్టీ చీఫ్‌ అరవింద్‌ కేజ్రీవాల్‌.. బుధవారం ప్రకటించారు. ఈ సంజీవని యోజన కింద.. ఢల్లీిలో ఉన్న అన్ని ప్రభుత్వ, ప్రైవేటు ఆస్పత్రుల్లో.. సీనియర్‌ సిటిజన్లకు ఉచితంగా వైద్యం అందించనున్నట్లు స్పష్టం చేశారు. 60 ఏళ్లు నిండిన ఢల్లీి వాసులకు సంజీవని యోజన.. ఏ ఆస్పత్రిలోనైనా చికిత్స తీసుకునే అవకాశం కల్పిస్తున్నట్లు అరవింద్‌ కేజ్రీవాల్‌ వెల్లడిరచారు. సీనియర్‌ సిటిజన్లను జాగ్రత్తగా చూసుకోవడం ప్రభుత్వ బాధ్యత అని.. దేశాన్ని అభివృద్ధి చేసేందుకు వారు చాలా కష్టపడ్డారని పేర్కొన్నారు.
  వచ్చే ఏడాది ఫిబ్రవరిలో ఢల్లీి అసెంబ్లీ ఎన్నికలు జరగనున్నాయి. అయితే అధికారంలో ఉన్న ఆమ్‌ ఆద్మీ పార్టీ.. ఈ ఢల్లీి అసెంబ్లీ ఎన్నికల్లో గెలిచి.. తమ రికార్డును కొనసాగించాలని యోచిస్తోంది. ఇక కాంగ్రెస్‌ పార్టీ రోజురోజుకూ బలహీనపడుతుండటంతో.. ఇప్పుడు ఢల్లీిలో ఈసారైనా ప్రభుత్వాన్ని ఏర్పాటు చేయాలని బీజేపీ అనేక ప్రయత్నాలు చేస్తోంది. ఈ నేపథ్యంలోనే రెండు జాతీయ పార్టీల కంటే ముందే.. ఢల్లీిలో అధికారంలో ఉన్న ఆప్‌.. ఎన్నికలకు సర్వం సిద్ధమైంది.
ఢల్లీిలో 70 అసెంబ్లీ స్థానాలు ఉండగా.. ఇప్పటికే అన్ని స్థానాల్లో పోటీ చేసే అభ్యర్థుల జాబితాను వివిధ విడతల్లో విడుదల చేసింది. ఇక జైలు నుంచి వచ్చిన తర్వాత ముఖ్యమంత్రి పదవికి రాజీనామా చేసిన అరవింద్‌ కేజ్రీవాల్‌.. ఇప్పటికే ముమ్మరంగా ఎన్నికల ప్రచారాన్ని కొనసాగిస్తున్నారు. ఇక ఢల్లీి మాజీ సీఎం, ఆప్‌ కన్వీనర్‌ అరవింద్‌ కేజ్రీవాల్‌ ఈ అసెంబ్లీ ఎన్నికల్లో న్యూఢల్లీి నియోజకవర్గం నుంచి పోటీ చేస్తుండగా.. ప్రస్తుత ముఖ్యమంత్రి అతిశీ.. కల్కాజీ స్థానం నుంచి బరిలోకి దిగనున్నారు.