మహారాష్ట్రాలో ఈవీఎంలపై అనుమానం
ఏంవీఏ అభ్యర్థికి మద్దతున్న గ్రామంలో బీజేపీ విజయం సాధించడంపై గ్రామస్థుల సందేహం
ఈవీఎం ఫలితాలను వ్యతిరేకిస్తూ 
బ్యాలెట్‌తో ప్రజల రీ పోలింగ్‌ 

    అక్షర కిరణం, (ముంబై/జాతీయం): మహారాష్ట్ర ఎన్నికల్లో ఫలితాలపై ప్రజల్లో అనుమానాలు రెకెత్తడం సంచ లనం సృష్టిస్తోంది. ఎన్నిఎ్నకల సంఘం ప్రకటించిన ఫలితా లపై ప్రజలు అనుమానం వ్యక్తం చేస్తూ బ్యాలెట్‌తో ఓ గ్రామ స్థులు ఇప్పుడు రీపోలింగ్‌కు సిద్ధమయ్యారు. వివరాలిలా ఉన్నాయి. మహారాష్ట్ర ఎన్నికల్లో బీజేపీ నేతృత్వంలోని మహా యుతి కూటమి భారీ మెజార్టీతో విజయం సాధించింది. ప్రతిపక్ష మహావికాస్‌ అఘాడీ నేతలు మాత్రం ఈవీఎంలను అనుమానిస్తున్నాయి. ఇది ప్రజా తీర్పు కాదని, ఈవీఎంలను ట్యాపరింగ్‌ చేశారని ఆరోపిస్తున్నాయి. అంతేకాకుండా సోలా పూర్‌ జిల్లా మల్షిరాస్‌ నియోజకవర్గంలోని గ్రామానికి చెంది న ఓటర్లు సైతం ఇదేసందేహం వ్యక్తంచేశారు. తమ గ్రామం లో మహావికాస్‌ అఘాడీ మద్దతుదారులు అధికంగా ఉంటే.. ఓట్లు మాత్రం బీజేపీ అభ్యర్ధికి ఎక్కువ వచ్చాయని, ఈవీఎం వల్లే ఇలా జరిగిందని వారు ఆరోపి స్తున్నారు. దీంతో అక్కడ బ్యాలెట్‌తో రీపోలింగ్‌కు గ్రామస్థులు సిద్దమయ్యారు. మంగళవారం రీపోలింగ్‌ చేయాలని నిర్ణయించారు. 
మల్షిరాస్‌ నియోజకవర్గం నుంచి ఎంవీఏ అభ్యర్ధిగా పోటీ చేసిన ఎన్సీపీ నేత ఉత్తమరావు జనకర్‌ విజయం సాధిం చారు. అయితే మర్కాడివాడీ గ్రామంలో అధిక శాతం ఎంవీయే మద్దతుదారులు కాగా.. ఓట్లు మాత్రం బీజేపీ అభ్యర్ధికే ఎక్కువ పోలయ్యాయి. దీంతో గ్రామస్థులు షాకయ్యారు. తామంతా ఉత్తమరావుకే ఓటేస్తే.. బీజేపీ అభ్యర్ధికి తమ గ్రామంలో మెజార్టీ ఎలా వచ్చిందని అనుమా నం వ్యక్తం చేశారు. దీంతో బ్యాలెట్‌ పేపర్‌తో మంగళవారం రీ-పోలింగ్‌ చేపట్టాలని నిర్ణయించారు. అయితే జిల్లా అధికా రులు అభ్యంతరం వ్యక్తం చేస్తూ.. అటువంటి చర్యలతో ఉద్రిక్త తలు చోటుచేసుకుంటాయని హెచ్చరించారు. ముందు జాగ్రత్తగా పోలీసులను మోహరించారు. సోలాపూర్‌ ఎస్పీ అతుల్‌ కులకర్ణి మాట్లాడుతూ.. ‘అవాంఛనీయ ఘటనలు జరగకుండా కట్టుదిట్టమైన చర్యలు తీసుకున్నాం.. శాంతి భద్రతలకు విఘాతం కలిగించేలా వ్యవహరించొద్దని గ్రామ స్థులకు సూచించారు. గ్రామానికి చెందిన రంజీత్‌ మర్కడ్‌ మాట్లాడుతూ.. ‘మా గ్రామంలో 2000 మందికిపైగా ఓటర్లు ఉన్నారు.. నవంబరు 20న జరిగిన పోలింగ్‌లో 1,900 ఓట్ల పోలయ్యాయి.. మా గ్రామం ఎప్పుడూ జనక్‌రావు, మోహితే పాటిల్‌ కుటుంబానికి మద్దతు. కానీ, ఈ ఎన్నికల్లో జనక్‌ రావుకి 843 ఓట్లు, బీజేపీ అభ్యర్ధికి 1,003 ఓట్లు వచ్చాయి.. మాకు ఈసీ డేటాపై నమ్మకం లేదు అందుకే డిసెంబరు 3న బ్యాలెట్‌తో రీపోలింగ్‌ చేపట్టి..ఈవీఎంలకు వ్యతిరేకంగా ఆధారాలు సేకరిస్తాం’ అన్నారు. ఈఓటింగ్‌ కోసం గ్రామస్థు లు విరాళాలు సేకరించి, అభ్యర్థుల ఫొటోలు, పేర్లతో కూడిన బ్యాలెట్‌ పేపర్లను ముద్రించారు. గ్రామంలోని ప్రతిఒక్కళ్లూ ఓటువేయాలని పిలుపునిచ్చారు. పర్యవేక్షణకు ప్రభుత్వ అధికారులను నియమించాలని కోరాగా అధికారులు మాత్రం నిరాకరించారు. బ్రీజేపీ మద్దతుదారులు తాము ఓటింగ్‌కు దూరంగా ఉంటామని ప్రకటించారు.