అక్టోబర్‌ 3 నుంచి ఇంద్రకీలాద్రిపై దసరా మహోత్సవాలు
    అక్షర కిరణం, (అమరావతి/విజయవాడ):  విజయవాడ నగరంలోని ఇంద్రకీలాద్రిపై అక్టోబర్‌ 3 వ తేదీ నుంచి దసరా మహోత్సవాలు నిర్వహిస్తున్నట్టు ఆలయ అధికారులు తెలిపారు. దీనికి సంబంధించిన వివరాలు వారు వెల్లడిరచారు. ఇంద్రకీలాద్రిపై అక్టోబర్‌ 3వ తేదీ నుంచి 12వ తేదీ వరకు దుర్గమ్మ విజయదశమి మహోత్సవాలు నిర్వహించనున్నట్టు తెలిపారు. దీనిలో భాగంగా అక్టోబర్‌ 3వ తేదీన దుర్గాదేవిని బాలా త్రిపుర సుందరీదేవిగాగా అలంకరిస్తారు. 4న గాయత్రీదేవిగా అమ్మవారు భక్తులకు దర్శనమిస్తారు. 5వ తేదీన అన్నపూర్ణ దేవిగా దర్శనమిస్తారు. 6న లలితా త్రిపుర సుందరీదేవిగా అమ్మవారిని అలంకరిస్తారు. 7న మహాచండీగా అమ్మవారు దర్శనమిస్తారు. 8న మహాలక్ష్మీ దేవిగా అమ్మవారిని భక్తులు దర్శించుకుంటారు. 9వ తేదీన సరస్వతి దేవిగా అలంకరిస్తారు. 10న దుర్గాదేవిగా  అవతారంలో భక్తులకు అమ్మవారు దర్శనమిస్తారు. 11న మహిషాసురమర్దినిగా అమ్మవారిని అలంకరిస్తారు. 12వ తేదీన రాజరాజేశ్వరీ దేవిగా అమ్మవారిని అలంకరిస్తారు. ఈ విజయదశమి ఉత్సవాల సందర్భంగా అమ్మవారిని దర్శనానికి వచ్చే భక్తులకు ఎటువంటి ఇబ్బంది లేకుండా పటిష్ఠ ఏర్పాట్లు చేస్తున్నట్లు ఆలయ ఈవో రామారావు తెలిపారు.