తిరుమలలో పెద్ద అపచారం
మాతో ఎన్నో పాపాలు చేయించారు ప్రశ్నిస్తే వేధించారు
తిరుపతి శ్రీవారి లడ్డు ప్రసాదం వివాదంపై ఆలయ మాజీ ప్రధానార్చకుడు రమణ దీక్షితులు
అక్షర కిరణం, (తిరుమల): ఆంధ్రప్రదేశ్లో తిరుమల శ్రీవారి లడ్డూ ప్రసాదంపై వివాదం కొనసాగు తోంది. రాజకీయా పార్టీల మధ్య వార్ నడుస్తోంది. తాజాగా ఈ అంశంపై టీటీడీ మాజీ ప్రధాన అర్చకులు రమణ దీక్షితులు స్పందించారు. గతంలోనే తాను తిరుమలలో ప్రసాదాల నాణ్యతపై.. ఎన్నోసార్లు అప్పటి టీటీడీ ఛైర్మన్, ఈవో దృష్టికి తీసుకెళ్లానని చెప్పుకొచ్చారు. ఎన్నిసార్లు చెప్పినా లాభం లేకపోయిందని.. పవిత్రమైన ఆవు నెయ్యిని కల్తీ చేయడం దారుణమైన విషయమన్నారు. అలా కల్తీ చేసిన నెయ్యిని శ్రీవారి ప్రసాదాల్లో వినియోగించడం మహా అపచారమని.. అన్నం పెట్టే దేవుడితో ఆటలాడార న్నారు. తమతోనే ఎన్నో పాపాలు చేయించారని.. ప్రశ్నించి నందుకు తనను ఎంతగానో వేధించారని ఆవేదన వ్యక్తం చేశారు. తిరుమలలో జరిగే అంశాలపై ప్రశ్నించేవాళ్లు లేకపోవడంతో రెచ్చిపోయారన్నారు.
శీవారి ప్రసాదాల నాణ్యతపై తనది ఒంటరి పోరాటం అయిపోయిందన్నారు దీక్షితులు. టీటీడీలోని తోటి అర్చకు లెవరూ వారి వ్యక్తిగత కారణాల వల్ల ఈ లడ్డూ అంశంలో ముందుకు రాలేదని.. గత ఐదేళ్లూ అలా పాపం జరిగింద న్నారు. తాను కూడా తిరుమల లడ్డూ ప్రసాదానికి ఉపయో గించే నెయ్యిపై ల్యాబ్ రిపోర్టుల్ని చూశానని.. నెయ్యిలో జంతువుల కొవ్వు ఉన్నట్లు అందులో స్పష్టంగా ఉందన్నారు. అలాగే పరిశుభ్రమైన ఆవుపాలతో తయారైన నెయ్యిలో కొవ్వు కలిసే అవకాశమే లేదన్నారు. తిరుమల శ్రీవారి ఆలయంలో జరిగే పరిణామాలు బాధ కలిగించాయన్నారు రమణ దీక్షితులు. మూడు రోజులుగా జరిగినవి చూస్తే భక్తుల్లో కూడా ఆవేదన మొదలైందన్నారు.
ముఖ్యమంత్రి చంద్రబాబు కూడా తిరుమలను ప్రక్షాళన చేస్తానని ప్రకటించారని.. ఈమేరకు అన్ని చర్యలు తీసు కుంటున్నారని ప్రశంసించారు. తిరుమల శ్రీవారి లడ్డూ ప్రసాదాల కోసం ప్రస్తుత ప్రభుత్వం.. కర్ణాటకలోని నందిని డెయిరీ నుంచి నెయ్యిని వినియోగించేందుకు నిర్ణయం తీసుకోవడం శుభపరిణామం అన్నారు. ప్రస్తుతం శుద్ధమైన ఆవునెయ్యితో ప్రసాదాలు చెయ్యడాన్ని స్వాగతిస్తున్నామ న్నారు. లడ్డూ ప్రసాదానికి వినియోగించే నెయ్యి కల్తీపై విచా రణ జరిపి బాధ్యులపై చర్యలు తీసుకోవాలని డిమాండ్ చేశారు. గత ప్రభుత్వంలో తనను వేధించి హింసించారని.. తనపైన పెట్టిన కేసులు ఎత్తి వేయాలని కోరారు దీక్షితులు. లడ్డూ పోటులో సంప్రోక్షణ చేసి లడ్డూ తయారీని పునః ప్రారంభించాలని కోరుతున్నారు. ప్రస్తుత ఆగమ కమిటీని ఉద్యోగులతో భర్తీ చేశారని.. వాళ్లు ఎలాంటి నిర్ణయాలు అమలు చేయలేరు అన్నారు. ఇతర రాష్ట్రాల వారిని ఆగమ సలహాదారులుగా నియమించాలని.. తనను ఆలయానికి దూరంగా పెట్టడం దారుణమన్నారు.