ఏపీలో వైసీపీకి మరో షాక్‌..    
కపార్టీకి మాజీ మంత్రి ముత్తంశెట్టి రాజీనామా
కరాజకీయ భవిష్యత్తుపై సంచలన వ్యాఖ్యలు

అక్షర కిరణం, (విశాఖపట్నం): వైసీపీకి ఏపీలో మరో ఎదురుదెబ్బ తగిలింది. వైసీపీ నాయకుడు మాజీ మంత్రి ముత్తంశెట్టి శ్రీనివాసరావు రాజీనామా చేశారు. ఈమేరకు అధిష్టానానికి రాజీనామా చేసినట్లు లేఖను పంపించారు. వ్యక్తిగత కారణాలతో వైసీపీని వీడుతున్నట్లు లేఖలో రాశారు. పార్టీ ప్రాథమిక సభ్యత్వానికి, భీమిలి నియోజకవర్గ ఇంఛార్జ్‌ పదవి నుంచి తప్పుకుంటున్నానని లేఖలో రాశారు. తనకు ఈ అవకాశం కల్పించినందుకు ధన్యవాదాలు తెలిపారు.. ఈరాజీనామాను ఆమోదించాలని కోరారు. కూటమి ప్రభుత్వానికి కనీం ఏడాది సమయం ఇవ్వాలని.. ముందే ధర్నాల పేరుతో హడావిడి సరికాదన్నా రు. 2009లో చిరంజీవి ఆశీస్సులతో రాజకీయాల్లోకి వచ్చా నని.. చిరంజీవి, నాగబాబు ఆశీస్సులతో భీమిలి ఎమ్మెల్యేగా గెలిచానన్నారు. తాడేపల్లిలో అందర్నీ అడగకుండా ఏకపక్షం గా నిర్ణయాలు తీసుకుంటున్నారన్నారు. వ్యక్తిగత కారణాలతో రాజకీయాలకు దూరంగా ఉండాలనుకుంటున్నట్లు చెప్పారు. అవంతి శ్రీనివాస్‌ కొంతకాలంగా పార్టీ కార్యక్రమా లకు దూరంగా ఉంటున్నారు.. బయట ఎక్కడా కనిపించ డం లేదు. ఈ క్రమంలోనే ఆయన అనుచరులతో చర్చించి పార్టీకి గుడ్‌ బై చెప్పారు. అధినేత వైఎస్‌ జగన్‌ వ్యవహార శైలి, పార్టీ తీరు నచ్చక అవంతి రాజీనామాకు సిద్ధమైనట్లు తెలుస్తోంది. ఆంధ్రప్రదేశ్‌ ఎన్నికల ఫలితాల తర్వాత మాజీ మంత్రి అవంతి శ్రీనివాస్‌ ఎక్కడా పెద్దగా కనపించలేదు. అవంతి టీడీపీలో చేరతారా.. జనసేన పార్టీకి జై కొడతారా అన్నది చూడాలి. అయితే అవంతి జనసేన పార్టీ వైపు మొగ్గు చూపుతున్నట్లు తెలుస్తోంది. ఆయన మాత్రం రాజకీయాలకు దూరంగా ఉంటానంటున్నారు.
అవంతి శ్రీనివాస్‌ 2009లో ప్రజారాజ్యం పార్టీలో చేరి భీమిలి నుంచి పోటీచేసి విజయం సాధించారు. అనంతరం చిరంజీవి తన పార్టీని కాంగ్రెస్‌లో విలీనం చేశాక ఆ పార్టీలో కొనసాగారు. రాష్ట్ర విభజన తర్వాత మారిన పరిస్థితులతో కాంగ్రెస్‌ పార్టీకి గుడ్‌ బై చెప్పి.. 2014 ఎన్నికలకు ముందు టీడీపీలో చేరారు. ఆయన 2014 ఎన్నికల్లో అనకాపల్లి నుంచి ఎంపీగా పోటీచేసి విజయం సాధించారు. 2109 ఎన్నికలకు ముందు అనూహ్యంగా టీడీపీకి రాజీనామా చేసిన అవంతి శ్రీనివాస్‌.. వైసీపీలో చేరి భీమిలి నుంచి పోటీచేసి టీడీపీ అభ్యర్థి సబ్బం హరిపై గెలిచారు. ఆ తర్వాత జగన్‌ కేబినెట్‌లో రెండున్నరేళ్ల పాటూ మంత్రిగా పనిచేశారు. ఆ తర్వాత 2024 ఎన్నికల్లో వైసీపీ తరఫున భీమిలి నుంచి పోటీచేసి టీడీపీ అభ్యర్థి గంటా శ్రీనివాసరావు చేతిలో ఓడిపోయారు. ఇప్పుడు పార్టీకి రాజీనామా చేశారు.