పూర్తయిన అల్లు అర్జున్‌ విచారణ 
2.30 గంటలపాటు 50కిపైగా ప్రశ్నలు కొన్ని ప్రశ్నలకు సమాధానం చెప్పలేక మౌనం

అక్షర కిరణం, (హైదరాబాద్‌): పుష్ప 2 ప్రీమియర్‌ షో సందర్భంగా సంధ్య థియేటర్‌ దగ్గర జరిగిన తొక్కిసలాట ఘటనలో హీరో అల్లు అర్జున్‌ని తాజాగా పోలీసులు విచారించారు. చిక్కడపల్లి పోలీస్‌ స్టేషన్‌లో ఈరోజు ఉదయం 11 గంటలకి ఈ విచారణ ప్రారంభం కాగా దాదాపు రెండున్నర గంటల పాటు విచారణ అధికారులు బన్నీని ప్రశ్నించారు. న్యాయవాది అశోక్‌ రెడ్డి సమక్షంలో ఈ విచారణ సాగింది.
ఆ రెండు ప్రశ్నలకి మౌనం వహించిన బన్నీ
    ఈ విచారణలో దాదాపు 50కి పైగా ప్రశ్నలని బన్నీకి సంధించినట్లు సమాచారం. ముఖ్యంగా తొక్కిసలాటలో రేవతి చనిపోయిన విషయం మీకు అప్పుడే తెలుసు కదా అని పోలీసులు ప్రశ్నించారట. అలానే తర్వాతి రోజు వరకూ రేవతి మృతి గురించి మీకు తెలియదని మీడియాకి ఎందుకు చెప్పారంటూ ప్రశ్నించినట్లు తెలుస్తోంది. అయితే ఈ రెండు ప్రశ్నలకి మాత్రం అల్లు అర్జున్‌ మౌనంగా ఉన్నట్లు సమాచారం.
    అలానే రాత్రి 9.30 గంటల నుంచి సంధ్య థియేటర్‌ నుంచి మీరు వెళ్లేవరకూ ఏం జరిగిందో వివరంగా చెప్పాలంటూ అడిగారట. ఇలా అల్లు అర్జున్‌ని డీసీపీ సెంట్రల్‌ జోన్‌ నేతృత్వంలోని బృందం.. దాదాపు రెండున్నర గంటల పాటు విచారించింది. ఇక తొక్కిసలాట జరిగిన 10 నిమిషాల వీడియోని కూడా పోలీసులు బన్నీకి చూపించా రట. ఇక విచారణ పూర్తి కావడంతో కట్టుదిట్టమైన భద్రత మధ్య అల్లు అర్జున్‌ని ఇంటికి తీసుకువెళ్లేందుకు పోలీసులు ఏర్పాట్లు చేస్తున్నారు. 
బౌన్సర్‌ అరెస్ట్‌
మరోవైపు ఈ కేసులో ప్రధాన నిందుతుడైన బౌన్సర్‌ ఆంటోని ని పోలీసులు అరెస్ట్‌ చేశారు. ఆ రోజు తొక్కిసలాట జరగడా నికి ఆంటోనీనే కారణమంటూ వార్తలు వస్తున్నాయి. బౌన్సర్ల ను ఆర్గనైజ్‌ చేసింది కూడా ఆంటోనియే అని సమాచారం. ఇందుకు సంబంధించిన వివరాలను పోలీసులు త్వరలోనే అధికారికంగా ప్రకటించే అవకాశం ఉంది.
    డిసెంబర్‌ 4న పుష్ప 2 ప్రీమియర్‌ షో సందర్భంగా ఈ ఘటన జరిగింది. సంధ్య థియేటర్‌ దగ్గర ఏర్పాటు చేసిన ప్రీమియర్‌ షో చూసేందుకు అల్లు అర్జున్‌ తన ఫ్యామిలీతోపాటు హీరోయిన్‌ రష్మికతో అక్కడికి వచ్చారు. అయితే థియేటర్‌లో జనం ఎక్కుపైపోవడం.. బన్నీని చూసేందుకు అభిమానులు పోటెత్తడంతో అక్కడ తొక్కి సలాట జరిగింది. ఈ ఘటనలో రేవతి అనే మహిళ చనిపోగా ఆమె బిడ్డ శ్రీతేజ్‌ అపస్మారక స్థితిలోకి వెళ్లిపో యాడు. వెంటనే ఆసుపత్రికి తీసుకెళ్లగా కోమాలోకి వెళ్లిపో యినట్లు వైద్యులు తెలిపారు. ప్రస్తుతం శ్రీతేజ్‌కి కిమ్స్‌ ఆసుపత్రి లో వైద్యం అందిస్తున్నారు. ప్రస్తుతం బాబు కోలుకుంటున్నట్లు వైద్యులు చెబుతున్నారు.