ఒట్టిగెడ్డ వాగులో సరాయువలస ఏకలవ్యపాఠశాల ఉద్యోగుల గల్లంతు
కఉపాధ్యాయురాలి మృతదేహం లభ్యం కవార్డెన్‌ కోసం గాలింపు చర్యలు    
అక్షర కిరణం (సాలూరు): ఒట్టిగెడ్డ వాగులో పడి ఇద్దరు ఉద్యోగులు గల్లంతయ్యారు. సరాయివలస ఏకలవ్య పాఠశాల టీచర్‌ ఆర్తి మృతి చెందగా వార్డెన్‌ మహేష్‌ కోసం ముమ్మరంగా  గాలింపుచర్యలు చేపడుతున్నారు. దీనికి సబంధించిన వివరాలిలా ఉన్నాయి. పాచిపెంట మండలం సరాయువలస ఏకలవ్య పాఠశాలలో ఉపాధ్యాయురాలిగా విధులు నిర్వహిస్తున్న ఆర్తి, పాఠశాల వార్డెన్‌ మహేష్‌ ఇద్దరూ ఒట్టిగెడ్డ వాగు దాటుతుండగా ఒక్కసారిగా వాగు ఉధృతం కావడంతో ఆ ప్రవాహానికి ఇద్దరు గల్లంతయ్యారు. శుక్రవారం సాయంత్రం ఈ విషాదకర సంఘటన చోటుచేసుకుంది. ఈ ప్రమాదంలో ఉపాధ్యాయురాలు ఆర్తి మృతిచెందగా, వార్డెన్‌ మహేష్‌ గల్లంతయ్యాడు. స్థానికులు పోలీసులకు సమాచారం ఇవ్వడంతో పోలీసులు తీవ్రంగా గాలింపు చర్యలు చేపట్టారు. గాలింపులో పోలీసులకు ఆర్తి మృతదేహం లభించింది. వార్డెన్‌ మహేష్‌ కోసం పోలీసులు, రెవెన్యూ అధికారులు గాలింపు చర్యలు కొనసాగిస్తున్నారు.