కౌన్సిల్‌ సమావేశంలో అవినీతిపై నిలదీత    
అక్షర కిరణం, (విశాఖపట్నం సిటీ): గత ప్రభుత్వం లో జరిగిన అవినీతిపై మంగళవారం కౌన్సిల్లో టీడీపీ సభ్యులు నిలదీశారు. ముందుగా సీపీఎం జాతీయ నాయ కుడు సీతారాం ఏచూరి మృతికి, కోల్‌కతాలోని వైద్యురాలి మృతికి సభ్యులు సంతాపం తెలిపారు. అనంతరం విష్ణు కుమార్‌ రాజు మాట్లాడుతూ నగరంలో వీధి దీపాలు వెలగడం లేదని ఎక్కడ చూసినా చీకట్లు అలుముకు న్నాయని తెలిపారు. వెంటనే వీధి దీపాలు వెలిగించాలని ఆయన డిమాండ్‌ చేశారు. కాపులుప్పాడ వెళ్లవలసిన కోళ్ల వ్యర్ధాలు చేపల చెరువులకు వెళ్తున్నాయని 45వ వార్డు కార్పొరేటర్‌ తెలిపారు. కోళ్ల వ్యర్ధాలతో వైసీపీ నాయకులు కోట్లు సంపాదించారని విమర్శించారు. వీటన్నిటికీ బాధ్యత వహిస్తూ మేయర్‌ రాజీనామా చేయాలని పోడియం వద్ద బైఠాయించారు. మేయర్‌ గొలగాని హరి వెంకట కుమారి మాట్లాడుతూ తనపై వచ్చిన ఆరోపణలపై విచారణ కోరా నని తెలిపారు. కార్యక్రమంలో జీవీఎంసీ కమిషనర్‌ సంపత్‌ కుమార్‌, జోనల్‌ కమిషనర్లు, ఇంజినీర్లు, టౌన్‌ ప్లానింగ్‌ విభాగం అధికారులు పాల్గొన్నారు.ఏపీలో కొత్త మద్యం షాపుల నోటిఫికేషన్‌ విడుదలకు ఎక్సైజ్‌ శాఖ కసరత్తు    
అక్షర కిరణం, (అమరావతి): ఏపీలో కొత్త మద్యం షాపుల నోటిఫికేషన్‌ విడుదలకు ఎక్సైజ్‌ శాఖ సిద్ధం అవుతోంది. రెండు, మూడు రోజుల్లో నోటిఫికేషన్‌ జారీ చేసే అవకాశం ఉంది. కొత్త మద్యం షాపుల నోటిఫికేషన్‌ విడుదలకు ఎక్సైజ్‌ శాఖ కసరత్తు చేస్తుంది. రెండు, మూడు రోజుల్లోగా నోటిఫికేషన్‌ జారీ చేసేలా చర్యలు తీసుకుంటుంది. మద్యం దుకాణాలు ప్రభుత్వమే నడిపేలా గత ప్రభుత్వం చట్టం చేసింది. అయితే తాజాగా వైసీపీ తెచ్చిన చట్టాన్ని సవరించి ఆర్డినెన్స్‌ తెచ్చేందుకు కెబినెట్‌ ఆమోదించింది. ఇవాళ లేదా రేపటిలోగా ఆర్డినెన్సును ఆమోదించనున్నారు గవర్నర్‌. ఇక ఏపీలో మొత్తం 3736 మద్యం షాపుల కేటాయింపునకు నోటిఫికేషన్‌ విడుదల చేయనున్న ప్రభుత్వం.. ఇందులో 340 షాపులను కల్లు గీత వృత్తి కులాలకు రిజర్వ్‌ చేయనుంది. రిజర్వేషన్ల కోటాలోని షాపులను ఎక్కడెక్కడ కేటాయించాలన్న అంశంపైనా అబ్కారీ శాఖ కసరత్తు చేస్తుంది. కల్లు గీత వృత్తి కులాల జనాభా ఏయే జిల్లాల్లో.. ఏయే నియోజకవర్గాల్లో ఎంతమేరకు ఉన్నారనే అంశంపై ఆరా తీస్తుంది. ఆయా వివరాలను బీసీ సంక్షేమ శాఖ నుంచి తీసుకుంటున్న ఎక్సైజ్‌ శాఖ.. కల్లు గీత వృత్తి కులాల జనాభా ప్రాతిపదికనే మద్యం షాపులను రిజర్వ్‌ చేయనుంది. 
మరోవైపు ఏపీలో అక్టోబర్‌ 1 నుంచి నూతన మద్యం విధానం తీసుకురానున్నారు. ఈమేరకు ప్రణాళిక రూపొందిస్తున్నట్లు ప్రభుత్వం ఇప్పటికే ప్రకటించింది. గీత కార్మికులకు మద్యం షాపులు కేటాయిస్తామని తెలిపింది. వారికి 10 శాతం మద్యం షాపులు ఇస్తామని ప్రభుత్వం ప్రకటించింది. సరసమైన ధరకే నాణ్యమైన మద్యం బ్రాండ్లు అందుబాటులో ఉంచాలని ఇటీవల మంత్రిమండలి నిర్ణయించింది. సగటు మద్యం ధర రూ.99 నుంచి అందుబాటులో ఉంచాలని కేబినెట్‌ నిర్ణయం తీసుకుంది.