మేయర్ పీఠం వెనుక పట్టు.. రిజర్వేషన్‌పై గుట్టు

Åమేయర్ స్థానం జనరల్ మహిళకు కేటాయింపు Åబీసీల ప్రాతినిధ్యానికి భరోసా ఏమిటి ? Åరిజర్వేషన్ ప్రాతిపదికను వెల్లడిస్తేనే అనుమానాలకు తెర Åమహిళా నాయకత్వానికి అవకాశం Åఅభ్యర్థుల ఎంపికలో సామాజిక న్యాయానికి పరీక్ష ! Åమేయర్ రేసులో ప్రముఖుల భార్యలు ?

    అక్షర కిరణం (సత్యవాక్కు):  మహా విశాఖపట్నం నగర పాలక సంస్థ (జీవీఎంసీ) మేయర్ పీఠం ఎవరికి దక్కనుంది? రిజర్వేషన్ ఏ వర్గానికి అనుకూలించనుంది? జీవీఎంసీ ఎన్నికల నేపథ్యంలో ఈ ప్రశ్నలు జిల్లా వ్యాప్తంగా అత్యంత ప్రాధాన్యం సంతరించుకున్నాయి. మేయర్ స్థానాన్ని జనరల్ మహిళకు కేటాయించారనే వార్తల నేపథ్యంలో అవకాశం  మహిళా నాయకత్వం, బీసీల ప్రాతినిధ్యం, పార్టీల అభ్యర్థుల ఎంపికపై చర్చకు ఆస్కారం ఏర్పడింది. 
    కాగా ఈ వ్యవహారంలో పరిశీలించాల్సిన అంశాలు రెండున్నాయి. ఒకటి ప్రభుత్వం నిర్ణయించే రిజర్వేషన్. రెండోది రాజకీయ పార్టీలు ఎంపిక చేసే అభ్యర్థి. పార్టీ టికెట్ కోసం ఆశావహులు ప్రయత్నించడం వేరు. వారి ప్రయోజనం కోసం ప్రభుత్వ రిజర్వేషన్ నిర్ణయాన్ని ప్రభావితం చేయడం వేరు. మొదటిది కనిపించినంత మాత్రాన రెండోది జరిగిందని నిర్ధారిం చలేం. అయితే నిర్ణయానికి సంబంధించిన వివరాలు వెల్లడించకపోతే అనుమానాలకు అవకాశం ఉంటుంది.
బీసీల బలం.. పీఠంపై అవకాశం ఎంత?
    విశాఖ మహా నగరంలో బీసీల జనాభా, వారి రాజకీయ ప్రాతినిధ్యం గురించి చర్చించే ముందు ప్రామాణిక గణాంకాలు అవసరం. బీసీల జనాభా ఎంత? రిజర్వేషన్ నిర్ణయానికి ఏ గణాంకాలను తీసుకున్నారు? గత కేటాయింపులను ఎలా పరిగణించారు? వర్తించే నిబంధనల ప్రకారం ఈసారి ఏ విధానాన్ని అనుసరించారు? ఈ వివరాలను ప్రభుత్వం ప్రజల ముందుంచాలి.
బీసీల జనాభా అధికంగా ఉందనే వాదన ఒక్కటే ఈసారి మేయర్ పీఠం తప్పనిసరిగా బీసీలకు రావాలని నిర్ధారించదు. అదే సమయంలో నిర్ణయానికి ఆధారమైన లెక్కలను అడగడం సముచితమే. సామాజిక న్యాయంపై విశ్వాసం పెరగాలంటే కేటాయింపు వెనుక ఉన్న Yuఙతీaj స్పష్టంగా కనిపించాలి.
జనరల్ మహిళ అంటే ఒకే వర్గానికా? 
జనరల్ మహిళ అనే పదాన్ని ఒక నిర్దిష్ట కులానికి కేటాయింపు కోసమే అనే వాదనలు వినిపిస్తుంది. కులపరంగా రిజర్వ్ చేయని మహిళా స్థానంలో అర్హతగల బీసీ, ఎస్సీ, ఎస్టీ మహిళలకూ అవకాశం ఉంటుంది. అందువల్ల రాజకీయ పార్టీలు ఎవరిని అభ్యర్థిగా నిలబెడతాయన్నది ఇప్పుడు హాట్ టాపిక్‌గా మారింది.
జనరల్ మహిళ కేటాయింపు జరిగితే బీసీ మహిళలకు పార్టీలు ఎంత ప్రాధాన్యం ఇస్తాయి? ప్రజాసేవలో అనుభవం, నగర సమస్య లపై అవగాహన, నాయకత్వ సామర్థ్యాలను పరిగణిస్తాయా? లేక కుటుంబ సంబంధాలు, ఆర్థిక బలం అభ్యర్థిత్వాన్ని నిర్ణయిస్తాయా? పార్టీల ఎంపిక ఈ ప్రశ్నలకు సమాధానం చెప్పాలి.
పీఠం ఎవరికైనా.. ప్రక్రియ ప్రజలకు తెలియాలి
మహిళలకు నాయకత్వ అవకాశం కల్పించడం స్వాగతించదగిన అంశమే. ఆ అవకాశం స్వతంత్రంగా పనిచేసే మహిళా నాయకత్వా నికి దారితీయాలి. విభిన్న సామాజిక వర్గాల మహిళలకు అభ్యర్థుల ఎంపికలో సముచిత ప్రాధాన్యం కల్పించడం పార్టీల బాధ్యత. జీవీ ఎంసీ మేయర్ పీఠానికి సంబంధించిన తుది ఉత్తర్వు, కేటా యింపు ప్రాతిపదిక, ఉపయోగించిన గణాంకాలు, వర్తింపజేసిన నిబంధనలను వెల్లడించడంతో ప్రభుత్వం అనుమానాలను నివృత్తి చేసుకోవాలి. విశాఖ ప్రజలకు కావాల్సింది పారదర్శక నిర్ణయం, సముచిత ప్రాతినిధ్యం, నగర సమస్యలను పరిష్కరించగల నాయకత్వం. ఆ దిశగా ప్రభుత్వం ముందడుగులు వేయాలి ప్రజలకు ఎటువంటి అనుమానాలు లేకుండా మేయర్ సీటు కేటాయింపు  స్పష్టత ఇవ్వాలి. అప్పుడే ఆయ రాజకీయ పార్టీల పట్ల ప్రజల్లో విశ్వసినీయత పెరుగుతుంది.
విశాఖ మేయర్ రేసులో ప్రముఖుల భార్యలు ?
కాగా జీవీఎంసీ మేయర్ పదవీని జనరల్ మహిళకు కేటాయించి నట్టు సమాచారం. అయితే మేయర్ పదవీ జనరల్ మహిలకు కేటాయించడంపై రాజకీయ వర్గాల్లోను, ప్రజల్లోను పలు అను మానాలు వెల్లువెత్తున్నాయి. సాధారణంగా ఓసీకి కేటాయిస్తే అందరికీ కమ్మ కులంపై అనుమానం వస్తుందనే జనరల్ మహిళా కు కేటాయించి అధికార పార్టీ తన వ్యూహాన్ని అమలు చేస్తుందేమోనని ప్రజల్లో చర్చ జరుగుతోంది. కాగా ఈ పదవీపై ఇప్పటికే పలువురి పేర్లు వినిపిస్తున్నాయి. ముఖ్యంగా అనకాపల్లి ఎంపీ సీఎం రమేష్ భార్య శ్రీదేవి పేరు వినిపిస్తుంది.. అదేవిధంగా గాజువాక పళ్ళ శ్రీనివాస్ బావమరిది మురళీ భార్య కూడా పోటీలో ఉన్నట్టు సమాచారం ఆమెది కూడా కమ్మ కులమనే వాదనలు ఉన్నాయి. ఇలా జనరల్‌కు కేటాయించి వెనుక నుంచి తమ సామాజిక వర్గానికి మేయర్ పదవీ ఇవ్వాలనే నిర్ణయంతో టీడీపీ అధిష్టానం ఉన్నట్టుగా ప్రజల్లో జోరుగా ప్రచారం సాగుతోంది. మరీ ఈ పదవీ ఎవరిరి వరిస్తుందో? ప్రజలు ఎవరికి కట్టబెడుతారో ఎన్నికలు జరిగి ఫలితాలు తేలేవరకు మిస్టరీగా మిగలనుంది.