అమెరికా నుంచి వస్తున్న ప్రధాని మోదీకి సీఎం చంద్రబాబు అభినందనలు    
అక్షర కిరణం, (అమరావతి): అమెరికా పర్యటనను విజయవంతంగా ముగించుకుని ఇండియాకు తిరిగి వస్తున్న ప్రధానమంత్రి నరేంద్రమోదీకి సీఎం నారా చంద్రబాబు నాయుడు శుభాకాంక్షలు తెలిపారు. ‘‘మోదీ లాంటి రాజనీతి గల వారి నాయకత్వంలో పనిచేయడం అదృష్టం. భారతదేశ స్ధానాన్ని కమిటీలో సుస్ధిరం చేయడం తోపాటు ప్రపంచ స్ధాయి నాయకునిగా ఆయన ఎదిగారు. దేశాలను, జాతులను ఐక్యం చేయడంలో ప్రధాని కృషి ప్రశంసనీయం. ఐక్యరాజ్య సమితిలో ప్రధాని మోదీ ప్రసం గం ప్రపంచ యవనికపై భారత్‌ పాత్రను రానున్న రోజుల్లో తెలియజేయనుంది’’ అని సీఎం చంద్రబాబు పేర్కొన్నారు.