గంజాయి కేసులో ఆరుగురు నిందితుల అరెస్టు
అక్షర కిరణం, (గుర్ల/విజయనగరం ప్రతినిధి): విజయనగరం జిల్లా గుర్ల మండలం ఎస్‌ఎస్‌ఆర్‌పేట గ్రామంలో గంజాయి విక్రయిస్తున్న కేసులో ఆరుగురు నిందితులను అరెస్టు చేసినట్టు చీపురుపల్లి సబ్‌ డివిజన్‌ డీఎస్పీ ఎస్‌.రాఘువులు తెలిపారు. ఈ నిందితుల నుంచి రూ.4వేలు విలువైన 2 కిలోల గంజాయి, 5 సెల్‌ ఫోన్లుతో పాటు 1250 రూపాయిలు సీజ్‌ చేసినట్టు తెలిపారు. విజయనగరం జిల్లా గుర్ల మండలం, ఎస్‌ఎస్‌ఆర్‌ పేట గ్రామం చంపావతి నది పరివాహక ప్రాంతంలో గంజాయి విక్రయిస్తున్న, గంజాయి కలిగిఉన్న  ఈఆరు గురు నిందితులను తమకు అందిన సమాచారం మేరకు అరెస్టు చేశామని తెలిపారు. వారి నుండి 2 కిలోల గంజాయి, 5 సెల్‌ఫోన్లను, 1250 రూపాయలను గుర్ల పోలీసులు సీజ్‌ చేసి, నిందితులను రిమాండుకు తరలించినట్లు డీఎస్పీ రాఘువులు తెలిపారు. గంజాయి, ఇతర మత్తుపదార్థాల వినియోగంపై చర్యలు తీసుకుంటామన్నారు.