అక్రమంగా తరలిస్తున్న బాణసంచా స్వాధీనం    
అక్షరకిరణం (పలాస): విశాఖపట్నం నుండి కాశీబుగ్గకు అక్రమంగా తరలిస్తున్న బాణసంచాను పోలీసులు స్వాధీనం చేసుకున్నారు. బుధవారం తెల్లవారు జామున మూడు గంటల సమయంలో తిలక్‌ నగర్‌ గణ పతి రెసిడెన్స్‌ వద్ద బొలెరో వాహనంలో బేవర యుగంధర్‌, పోలాకి విజయ్‌, కే సాయిదిలీప్‌, కంచరానా అన్నారావు అనే నలుగురు వ్యక్తులు బాణసంచాను అక్రమంగా తరలిస్తుండ గా పోలీసులు స్వాధీనం చేసుకున్నారు. వాటి విలువ రూ.2,24,000 ఉంటుందని తెలిపారు. ఈ మేరకు ఎస్‌ఐ చంద్రరావు కేసు నమోదు చేసి దర్యాప్తు చేస్తున్నారు.