పాతపట్నం నూతన ఎస్‌ఐగా బైరిశెట్టి లావణ్య     
అక్షర కిరణం, (పాతపట్నం): పాతపట్నం మండల నూతన ఎస్‌ఐగా బైరిశెట్టి లావణ్య బుధవారం బాధ్యతలు స్వీకరించారు. మన్యం జిల్లా పార్వతీపురం దిశ సెల్‌ నుంచి   పాతపట్నం ఎస్‌ఐగా బదిలీపై వచ్చారు. గతంలో శ్రీకాకుళం జిల్లా సారవకోట ఎస్‌ఐగా కూడా పనిచేశారు. ఈ సందర్భంగా ఎస్‌ఐ బైరిశెట్టి లావణ్య మాట్లాడుతూ మండల ప్రజలు, ప్రజాప్రతినిధులు అందరూ పోలీసులకు సహకరించాలని కోరారు. మండలంలో శాంతి భద్రతల పరిరక్షణకు కృషి చేస్తామన్నారు. ట్రాపిక్‌ నియంత్రణ, ఏఓబీ సరిహద్దుపై ప్రత్యేక దృష్టి సారిస్తామన్నారు.అసాంఘిక కార్యక్రమాలు,గుట్కా,గంజాయి, జూదం, అక్రమ మద్యం రవాణా అరికట్టేందుకు చర్యలు తీసుకుంటామన్నారు.
ఇక్కడ ఎస్‌ఐగా పనిచేసిన మహమ్మద్‌ యాసిన్‌ హిరమండలం ఎస్‌ఐగా బదిలీ అయ్యారు. నూతన ఎస్‌ఐగా బాధ్యతలు స్వీకరించిన ఎస్‌ఐ బైరిశెట్టి లావణ్య ను పోలీస్‌ సిబ్బంది, పుష్పగుచ్చం అందించి శుభాకాంక్షలు తెలియజేశారు.