అగ్ని ప్రమాద బాధితురాలికి ఎమ్మెల్యే పంచకర్ల చేయూత
    అక్షర కిరణం, (పెందుర్తి): జీవీఎంసీ 94 వార్డు బంటా కాలనీకి చెందిన మీసాల పైడమ్మకు పెందుర్తి ఎమ్మెల్యే పంచకర్ల రమేష్‌బాబు పరామర్శించారు. పైడమ్మ ఇంట్లో గ్యాస్‌ లీకై తీవ్రంగా గాయపడిన విషయం 94వ వార్డు అధ్యక్షురాలు పిన్నింటి పార్వతి ద్వారా తెలుసుకున్న ఎమ్మెల్యే పంచకర్ల రమేష్‌ బాబు పైడమ్మను పరామర్శించి పదివేల రూపాయల ఆర్థిక సహాయం, మూడు నెలలకు సరిపడా రేషన్‌ సరుకులు అందజేశారు. ప్రభుత్వం నుండి కూడా తగిన సహకారం అందిస్తామని హామీ ఇచ్చారు.  ఈ కార్యక్రమంలో 94వ వార్డు కార్పొరేటర్‌ బల్ల శ్రీనివాస్‌ రావు, కూటమి నాయకులు, కార్యకర్తలు తదితరులు పాల్గొన్నారు. ఎమ్మెల్యేకు పైడమ్మ కృతజ్ఞతలు తెలిపారు.