93, 96 వార్డుల్లో అభివృద్ధి పనులకు ఎమ్మెల్యే పంచకర్ల రమేష్‌బాబు శంకుస్థాపన    
అక్షర కిరణం, (పెందుర్తి): నియోజకవర్గం పెందుర్తి ఎమ్మెల్యే పంచకర్ల రమేష్‌ బాబు శుక్రవారం ఉదయం పలు వార్డుల్లో పర్యటించి అభివృద్ధి కార్యక్రమాలకు శంకుస్థాపన చేశారు. ఉదయం 9 నుంచి సాయంత్రం 4 గంటల వరకు ఆయన నియోజకవర్గంలోని పలు వార్డుల్లో పర్యటించారు. 96 వ వార్డు వేంకటేశ్వర స్వామి టెంపుల్‌ రోడ్డు, దగ్గువానిపాలెం, నల్ల క్వారీ, నల్ల క్వారీ జెఎన్‌ఆర్‌యూఎం రోడ్‌, దుర్గా ఆదర్శనగర్‌, సూర్య నగర్‌, ప్రశాంతినగర్‌, రాతి చెరువు పరిసర ప్రాంతాలలో రూ.5.50 కోట్లతో పలు అభివృద్ధి కార్యక్రమాలకు శంకుస్థాపన చేశారు. సాయంత్రం 4.30  గంటల నుండి జీవీఎంసీ 93వ వార్డ్‌లో నాయుడు తోట, సాయి మాధవ్‌ నగర్‌ వినాయకుని గుడి వద్ద, భరత్‌ నగర్‌ కృష్ణుని గుడి వద్ద, శ్రీనివాస్‌ నగర్‌ ఈస్ట్‌ పాయింట్‌ కాలనీ, దుర్గా నగర్‌ ప్రాంతాలలో పర్యటించి రూ.1.58  కోట్లతో వివిధ అభివృద్ధి పనులకు శంకుస్థాపన చేశారు.ఈ కార్యక్రమాల్లో 93, 96 వ వార్డులకు చెందిన కూటమి నాయకులు, కార్యకర్తలు, వీర మహిళలు తదితరులు పాల్గొన్నారు.