కంచరపాలెం జాతీయ రహదారిపై ఘోర రోడ్డు ప్రమాదం    
ఇద్దరు యువకులు మృతి మరో యువకుడికి తీవ్ర గాయాలు
అక్షర కరణం (కంచరపాలెం):విశాఖ కంచర పాలెం జాతీయ రహదారి వద్ద మంగళవారం ఉదయం సుమారు 6 గంటల ప్రాంతంలో ఘోర రోడ్డు ప్రమాదం సంభవించింది. ఊర్వశి జంక్షన్‌ నుండి తాటిచెట్లపాలెం వైపుగా ముగ్గురు యువకులు ద్విచక్ర వాహనంపై వెళ్తున్న క్రమంలో సంజయ్‌ నగర్‌ జాతీయ రహదారి వద్దకు వచ్చేసరికి ద్విచక్ర వాహనం అదుపుతప్పి డివైడర్‌ను ఢీకొంది. ప్రమాదంలో ద్విచక్ర వాహనం డ్రైవ్‌ చేస్తున్న సీతమ్మపేటకు చెందిన ప్రవీణ్‌ (24), మధ్యలో  కూర్చున్న మరో యువకుడు కంచరపాలేనికి చెందిన ప్రశాంత్‌(22)  అక్కడికక్కడే మృతి చెందగా  వెనుక కూర్చున్న కంచర పాలేనికి చెందిన మహేష్‌(20)కు తీవ్ర గాయాలయ్యాయి. స్థానికులు అతడిని చికిత్స నిమిత్తం కేజీహెచ్‌కి తరలిం చారు. ప్రమాదం జరిగిన ప్రాంతం నుండి వాహనం కిలో మీటర్‌ మేరకు దూసుకుపోయింది. ఘటన స్థలానికి చేరుకున్న కంచరపాలెం ట్రాఫిక్‌ సీిఐ దాశరథి పరిస్థితి సమీక్షించారు. మృతదేహాన్ని పోస్టుమార్టం నిమిత్తం కేజీహెచ్‌కు తరలించి దర్యాప్తు చేపట్టారు.